Իրաւա-ֆինանսական Համաձայնագիր Իսրայէլի Եւ Ս. Աթոռի Միջեւ։
Նշանակալից յառաջդիմութիւն մը կատարուեցաւ Ս. Աթոռի եւ Իսրայէլի խառն յանձնախումբի լիանիստ
ժողովին։ Վատիկանի գրասենեակը անդրադառնալով եղելութեան, հաղորդագիր մը հրապարակած է
մատնանշելով որ ժողովը տեղի ունեցաւ Վատիկան, 14 յունիսին՝ բաց, բարեկամական եւ կերտիչ
մթնոլորտին մէջ։ Վատիկանի պատուիրակութիւնը կը նախագահէր գերապայծառ Պալեսդրերօ իսկ Իսրայէլինը`
արտգործ նախարար Այլոն։ Նշենք թէ ժողովին նիւթն է. ուսումնասիրել կաթողիկէ Եկեղեցւոյ
Ս. Երկրի մէջ ունեցած ինչքերու տուրքերուն թղթածրարը, հիմնուելով 1993-ի՝ հիմնական համաձայնագրին
վրայ։