Benedikti XVI ipeshkvijve të Indisë: punoni për bashkimin e harmoninë ndërmjet jush
e meshtarëve.
Benedikti XVI priti, sot paradite, në audiencë, një grup ipeshkvijsh të Konferencës
ipeshkvnore të Indisë, që ndodhen këto ditë në Romë e në Vatikan, për vizitën e tyre
‘ad Limina Apostolorum’. Papa theksoi kryesisht përgjegjësitë e ipeshkvijve ndaj priftërinjve
dhe rregulltarëve, duke i inkurajuar të punojnë për unitetin në Kishën indiane. Në
vijim, i ftoi përsëri meshtarët ta dëshmojnë me vepra dashurinë për njëri-tjetrin,
duke shembur, kështu, muret që ndajnë kastat e etnitë. Së fundi, shprehu kënaqësinë
për impenjimin e misionarëve, të rregulltarëve e, sidomos, të rregulltareve, në ndihmë
të nevojtarëve, që nuk mungojnë kurrë në Indi.......
Ipeshkvi
duhet të jetë bari e atë, që tubon grigjën e vet e i prin: është porosia e parë që
u dha Papa ipeshkvijve indianë, në një fjalim të përqendruar plotësisht mbi përgjegjësitë
që kanë përballë klerit e rregulltarëve. Me shembullin tuaj - i inkurajoi Ati i Shenjtë
- duhet t’i shërbeni unitetit e t’i prini popullit tuaj gjithnjë drejt bashkimit”. “Promoting
the charism of unity, which is a powerful testimony… “Punoni me gjithë
shpirt për bashkimin – i porositi Ati i Shenjtë – sepse bashkimi juaj është dëshmi
e fuqishme, që tregon se të gjithë janë bijtë e një Zoti të vetëm. Njëkohësisht është
edhe një nga përgjegjësitë kryesore të ipeshkvit. Ripohoi, më pas, se përmes shërbimit
të tyre, ipeshkvijtë duhet t’i inkurajojnë njerëzit e thirrur nga Zoti, ta vijojnë
deri në fund ecjen në rrugën e Tij. Nga ana tjetër – shtoi - një nga mënyrat për ta
bërë më të dukshëm bashkimin e Kishës, është pikërisht ajo e lidhjes së ngushtë ndërmjet
ipeshkvijve e meshtarëve”. “Thus, you are to be supportive of your priests…
Prandaj - tha Papa – duhet t’i ndihmoni meshtarët tuaj, bashkëpunëtorët
tuaj më të ngushtë, e të tregoni kujdes të posaçëm për nevojat e tyre e për synimet
e tyre. Pikërisht lidhjet e dashurisë vëllazërore ndërmjet ipeshkvijve, duhen shikuar
si baza më e fuqishme për shuarjen e çdo lloj tensioni”. “Moreover, the
witness of reciprocal love… Për më tepër – shtoi Benedikti XVI – dëshmia
e dashurisë së anasjelltë ndërmjet jush, ipeshkvij, e meshtarëve tuaj, pa shikuar
kasta, as etni, është një shembull i shkëlqyer, të cilin populli juaj e shikon me
dashamirësi të madhe. E edhe meshtarët ju shikojnë ju si modele shenjtërie, miqësie,
harmonie. Shembulli juaj u flet zemrave të tyre e u jep një nga mësimet më të çmuara
për jetën e tyre meshtarake: u mëson ta jetojnë urdhërimin e dashurisë. Papa vuri
theksin edhe mbi detyrat që kanë ipeshkvijtë ndaj rregulltarëve, posaçërisht përmes
bashkëpunimit me të parët e kongregatave të ndryshme. Në vijim, shprehu kënaqësinë
për kontributin e pashembullt të të gjithë rregulltarëve në fuqizimin e bashkësisë
kishtare. Një mendim të posaçëm, për rregulltaret që, në Indi, impenjohen në frontet
më të rëndësishme të jetës”. “They bear witness to its holiness…
Ato - tha Papa – janë dëshmitare të shenjtërisë, të gjallërisë, të shpresës
së Kishës. E – shtoi - rregulltaret luten vazhdimisht dhe kryejnë ditë për ditë vepra
të mira, shpesh krejt të heshtura, të panjohura, që i shikon veç syri i Zotit e që,
prandaj, kanë edhe më shumë vlerë për ndërtimin e Mbretërisë së Zotit, në këtë jetë
e në amshim”.