Arabia Saudite: gratë drejtojnë automjetet e sfidojnë mbretin Abdullah
Nëse dikush do ti ndalte, do të rrezikonin burgun, sepse në Arabinë Saudite, drejtimi
i automjetit nga femrat ndalohet me ligj. Por pas shumë vitesh heshtje, gratë saudite
kanë vendosur të ngrenë zërin dhe pas ditësh mobilizim në internet, kanë vendosur
t’i hipin makinës duke sfiduar kështu urdhrin e mbretit Abdullah. Rregullat e kësaj
proteste të veçantë janë të thjeshta, asnjë vend i saktë për tu mbledhur por çdo grua
mund t’i japë makinës ku të dojë dhe të mundet. Fushata e pagëzuar me emrin "Women2drive",
premton të vazhdojë deri sa sovrani i vendit të heqë dispozitën që pengon femrat të
drejtojnë automjetin.