ՄԻՆՍՔ-ի Խմբակի Ձեւաչափը Փաստեց Իր Արդիւնաւէտութիւնը » Կ՛ըսէ Ռոպըրթ Պրատքէ։
ԵԱՀԿ-ի Մինսքի խմբակի ամերիկացի համանախագահ Ռոպըրթ Պրատքէ երէկ ելոյթ ունենալով Եւրոպական
խորհրդարանին մէջ տեղի ունեցող` ղարաբաղեան հարցով լսումներու ընթացքին, յայտնեց, որ
ԵԱՀԿ-ի Մինսքի խմբակը ղարաբաղեան տագնապի լուծման ներկայ հանգրուանին իր արդիւնաւէտութիւնը
փաստեց: Ան նշեց, որ ԵԱՀԿ-ի Մինսքի խմբակի ձեւաչափը բաւական ճկուն է եւ ունակ արագօրէն
արձագանգելու շրջանին մէջ տեղի ունեցող բոլոր փոփոխութիւններուն: Խօսելով համանախագահներու
աշխատանքի արդիւնաւէտութեան մասին` Պրատքէ յայտարարեց, որ կարեւորը այն է, որ կարելի
եղաւ նոր պատերազմէն խուսափիլ:
Իսկ ֆրանսացի համանախագահ Պեռնար Ֆասիէ նկատել
տուաւ, որ Եւրոպական Միութիւնը տագնապի լուծման գործին մէջ վճռական դեր ունի, «նուազագոյնը`
երկու երկիրներու քաղաքացիական հասարակութիւնները նախապատրաստելով»:
Ան նաեւ յայտարարեց,
որ եթէ հիմնարար սկզբունքները մօտիկ ապագային չընդունուին, ապա համանախագահները ստիպուած
պիտի ըլլան նոր հայեցակարգ ներկայացնելու