15 ജൂണ് 2011, ഡെല്ഹി ബിഷപ്പ് മാത്യു അറക്കല് ദേശിയ പരിസ്ഥിതി പുരസ്കാര നിര്ണ്ണായക
സമിതി അംഗമായി ഭാരത സര്ക്കാര് നിയോഗിച്ചു. കേരളത്തിലെ കാഞ്ഞിരപ്പിള്ളി രൂപതാദ്ധ്യക്ഷന്
ബിഷപ്പ് മാത്യു അറക്കലിനെയാണ് ഇന്ത്യടെ പ്രധാനമന്ത്രി മന്മോഹന് സിംഗ് ദേശിയ സമിതി അംമായി
നിയോഗിച്ചത്. 1984-ല് കൊല്ലപ്പെട്ട മുന്പ്രധാനമന്ത്രി ഇന്ദിരാ ഗാന്ധിയുടെ അനുസ്മരണാര്ത്ഥം
സ്ഥാപിച്ചുള്ള പുരസ്കാരം പരിസ്ഥിതി സംരക്ഷണത്തിലും പരിസ്ഥിതി സൗഹൃദ ജീവിതക്രമീകരണങ്ങളില്
വ്യാപൃതരായിരിക്കുന്ന മൂന്നു വ്യക്തികള്ക്കും രണ്ടു സ്ഥാപനങ്ങള്ക്കുമാണ് അനുവര്ഷം
നല്കപ്പെടുന്നത്. പരിസ്ഥിതി സംരക്ഷണ മേഖലയിലുള്ള ഭാരതസഭയുടെ പ്രവര്ത്തനങ്ങള്ക്കുള്ള
അംഗീകാരമായിട്ടാണ് താന് ഈ നിയമനത്തെ കാണുന്നതെന്ന് ബിഷപ്പ് അറയ്ക്കല് ജൂണ് 14-ാം തിയതി
ചൊവ്വാഴ്ച മാധ്യമ പ്രവര്ത്തകരോടു പറഞ്ഞു. ബഹുഭൂരിപക്ഷം കൃഷിക്കാരുള്ള കാഞ്ഞിരപ്പിള്ളി
രൂപതയ്ക്കും തന്റെ ജനങ്ങള്ക്കും സന്തോഷം നല്കുന്ന നിയമനംകൂടിയാണിതെന്നും ജാതിയുടേയും
മതത്തിന്റെയും അതിര്ത്തികള്ക്കതീതമായി ദൈവം നല്കിയ ഈ ഭൂമി ഉപയോഗിക്കുനും സംരക്ഷിക്കുവാനും
മനുഷ്യന് ഒരുപോലെ കടപ്പെട്ടിരിക്കുന്നുവെന്ന്, കേരളത്തിലെ (ഗ്രീന് ഫാമിങ്ങ്) പരിസ്ഥിതി-സൗഹൃ
കാര്ഷിക പ്രസ്താനത്തിന്റെ ഉപഞ്ജാതാവുകൂടിയായ ബിഷപ്പ് മാത്യു അറക്കല് പ്രസ്താവിച്ചു.