14 чэрвеня ў Ватыкане
прайшла сустрэча двухбаковай пастаяннай рабочай камісіі паміж Апостальскай Сталіцай
і дзяржавай Ізраіль. У паведамленні Залі Друку Апостальскай Сталіцы адзначаецца, што
“камісія сабралася, каб працягнуць перамовы па 10 артыкуле “Базавага пагаднення”,
які датычыць эканамічных і фінансавых пытанняў”.
Сустрэча праходзіла пад старшынствам
кс. прэлата Этторэ Балестрэро, падсакратара Сакратарыята па адносінах з дзяржавамі,
і спадара Данна Аялона, намесніка Міністра замежных спраў Ізраіля.
У паведамленні
Залі Друку адзначаецца, што сустрэча “прайшла ў адкрытай, сяброўскай і канстуктыўнай
атмасферы. У перамовах асягнуты значны прагрэс. Ватыкан і дзяржава Ізраіль спадзяюцца
на хуткае падпісанне заключнага пагаднення”.
Наступнае пленарнае пасяджэнне
пройдзе 1 снежня 2011 г. у Ізраілі.