Кардыналы адзначаць разам з Папам 60-годдзе яго святарства
Да 60-годдзя святарства
Бэнэдыкта XVI кардынал Анджэла Садана, дэкан калегіі кардыналаў, запрасіў 1 ліпеня
ўсіх прабываючых у Рыме кардыналаў на абед з Папам. Супольны абед адбудзецца ў зале
Дукале Апостальскага палаца. Кардынал Садана запрашаў ужо аднойчы кардыналаў на падобнае
мерапрыемства. Супольны абед адбыўся ў пятую гадавіну абрання Бэнэдыкта XVI на Сталіцу
Пятра, 19 красавіка 2010 г.
Ёзэф Ратцынгер прыняў святарскае пасвячэнне разам
са сваім старэйшым братам Георгам 29 чэрвеня 1951 г. у катэдры Фрайзінга з рук кардынала
Міхаэля Фаульхабера. 60-годдзю святарства Папы у Ватыкане прысвечана таксама спецыяльная
выстава работ 60 мастакоў пад назвай "Бляск праўды, прыгажосць у любові да бліжняга".
Яе адкрые 4 ліпеня сам Святы Айцец у зале аўдыенцый Ватыкана. 30 чэрвеня Бэнэдыкт
XVI упершыню ўручыць тром тэолагам так званыя "Прэміі Ратцынгера".