“Адштурхоўваючыся
ад Евангелля, мы павінны нанава “прабіць” сэрца чалавека”, - сказаў кардынал Агосціно
Валіні, у рымскай базыліцы св. Яна на Латэране падчас свайго дакладу ў рамках Кангрэса
духавентва Рымскай дыяцэзіі.
Іерарх звярнуў увагу на фундаментальнае значэнне
для душпастырскай дзейнасці сферы хрысціянскай ініцыяцыі, асабліва перад абліччам
“культурнага клімата, які ахоплівае розум і сэрцы многіх людзей”, а таксама стыляў
жыцця, якія хутка распаўсюджваюцца сярод новых пакаленняў”. “У такіх умовах душпастыр
пакліканы да дзейнасці ў поўным сэнсе місіянерскай”, - сказаў Папскі вікарый для Рымскай
дыяцэзіі. Заклікаючы да лепшага знаёмства вернікаў з сутнасцю хросту, Эўхарыстыі і
канфірмацыі, кардынал Валіні сказаў, што кепска падрыхтаваныя катэхезы робяць пачатак
хрысціянскай ініцыяцыі далёкай ад штодзённага жыцця”.
На думку іерарха, уводзіны
ў хрысціянскае жыццё “не могуць абмежавацца выкладаннем катэхізіса, як падрыхтоўкі
да сакраментаў”, але павінна характарызавацца “духоўным падарожжам, сапраўдным шляхам
прагрэсу і росту, які ўключае тры важныя кампаненты: слуханне Божага слова, удзел
у Боскіх таямніцах і сведчанне міласэрнай любові вучняў Пана”. Неабходна даць убачыць
чалавеку, што Божае слова, з’яўляецца адзінай сілай здольнай паказаць яго найглыбейшыя
чаканні, а гэта робіцца праз “тлумачэнне Слова, дэманстрацыю яго прыгажосці, праўдзівасці
і неабходнасці для жыцця”.