Вільнюс: сутрэча генсакратароў прэс-сакратароў епісакапатаў Еўропы
Тэма новай евангелізацыі
будзе ў цэнтры працы двух форумаў, якія пройдуць 16-21 чэрвеня у Вільнюсе. Тут збяруцца
генеральныя сакратары епіскапатаў Еўропы і прэс-сакратары біскупскіх канферэнцый кантынента.
Упершыню Рада Канферэнцый Біскупаў Еўропы збірае разам генеральных сакратароў і прэс-сакратароў
для супольнага абмеркавання тэмы камунікацыі ў Касцёле.
Форум пачнецца з сустрэчы
ўдзельнікаў з кардыналам Ёзасам Бачкісам, арыбіскупам Вільнюскім і Апостальскім нунцыем
у Літве, арцыбіскупам Луіджы Банаццы. На ёй будуць прысутнічаць таксама вайсковы ардынарый
і генеральны сакратар літоўскага епіскапата біскуп Гінтарас Грушас. У наступныя дні
у рамках працоўных груп будуць разглядацца тэмы, якія тычацца новай евангелізацыі:
адносін паміж культурай і якасцю веры; актыўнасці Касцёла; духоўнага жыцця і прыналежнасці
да Касцёла ва ўмовах хуткага рытма жыцця і стрэса; і, нарэшце, структуры і харызматаў
у Касцёле. Акрамя таго, адбудуцца прэзентацыі праетаў, рэалізаваных Радай Канферэнцый
Біскупаў Еўропы і Камісіяй епіскапатаў Еўрапейскага Саюза, а таксама запланаваных
ініцыятыў: Сусветных дзён моладзі ў Мадрыдзе, Сусветнай сустрэчы сем’яў у Мілане і
Міжнароднага Эўхарыстычнага кангрэса, што пройдзе 10-17 чэрвеня 2012 г. у Дубліне.
У
суботу, 18 чэрвеня, у Вільнюс прыбудуць прэс-сакратары еўрапейскіх епісакапатаў, якія
далучацца да генеральных сакратароў і разам абмяркуюць пытанні камунікацыі і абвяшчэння
Евангелля. Вечарам гэтага ж дня адбудзецца прэзентацыя першай версіі “EuroCathInfo”
– інфармацыйнага партала еўрапейскага епіскапата, а таксама агульнай еўрапейскай сеткі,
якая павінна пачаць сваю працу на працягу 2011 г. Прэс-сакратары выступяць з дакладамі,
у якіх засяродзяць увагу на тэме новай евангелізацыі і яе рэалізацыі ў Еўропе ў сферы
валантарыята, працы прадпрыемстваў і новых СМІ.
Вільнюская сустрэча будзе звязана
з працай наступнага форума Канферынцыі Біскупаў Еўропы, што пройдзе з 29 верасня па
2 кастрычніка 2011 г. у албанскай Ціране. На гэтым форуме прадстаўнікі епісакапатаў
будуць разважаць аб новай евангелізацыі разам з арцыбіскупам Сальваторэ Фізікелай,
кіраўніком Папскай рады па новай евангелізацыі.