Շաբաթ 11 Յունիս 2011, Հայ Կաթողիկէ Պատրաիրքութեան դիւանը յայտարարեց թէ Պենեդիկտոս
ԺԶ. սրբազան քահանայապետը ընդունեցաւ Արհիապատիւ հայր Վարդան եպիսկոպոս Աշքարեանին ներկայացուցած
հրաժարականը իր թեմական պաշտօնէն, տարիքի (75 տարեկան) սահմանումի բերումով: Արհիապատիւ
հայր Վարդան եպիսկոպոս Աշքարեան հրաժարեալ կը նկատուի պատրիարքական թեմէն ներս պատրիարքական
փոխանորդի եւ ստանձնած այլ բոլոր պաշտօններէն: Արհիապատիւ հայր Աշքարեան կը մնայ ցկեանս
Հայ Կաթողիկէ Եկեղեցւոյ Սիւնոդհոսի անդամ ըստ հրաժարեալ եպիսկոպոսի սահմանուած կանոններուն: Նշենք
թէ արհիապատիւ հայր Վարդան Եպիսկոպոս Աշքարեան ծնած է Մուսա լեռ 22 Յունուար 1936-ին:
Քահանայ ձեռնադրուած է 22 Յունուար 1961-ին: Հայ Կաթողիկէ Եկեղեցւոյ Սիւնոդհոսը զինք
եպիսկոպոս ընտրած է, տիտղոսաւոր՝ Թոքաթի հայոց եւ օգնական պատրիարքական թեմին: 1988-ի
Յունուար 17-ին երջանկայիշատակ Յովհաննէս Պետրոս ԺԸ. կաթողիկոս պատրիարքը զինք ձեռնադրած
է եպիսկոպոս: