Бэнэдыкт ХVI адкрые Кангрэс духавенства Рымскай дыяцэзіі
13 чэрвеня вечарам
папа Бэнэдыкт ХVI адкрые ў рымскай базыліцы св. Яна на Латэране Кангрэс духавенства
Рымскай дыяцэзіі, які будзе праходзіць з 13 па 16 чэрвеня. У форуме ўдзельнічае больш
за 2 тыс. святароў дыяцэзіі.
Пасля двух гадоў разважанняў аб удзеле вернікаў
у нядзельнай Эўхарыстыі і аб іх сведчанні любові да бліжняга, удзельнікі кангрэса
абмяркуюць значэнне сакрамэнтаў хрысціянскай ініцыяцыі: хросту і бежмавання, на якія
будзе пастаўлены націск у душпастырскай працы ў наступныя два гады.
Падчас
форуму будзе абмеркавана тэма душпастырства сем’яў, адукацыі і падрыхтоўкі катэхізатараў.
Да ўдзельнікаў звернецца кардынал Агосціно Валіні, Папскі вікарый для Рымскай дыяцэзіі.
Пройдзе дыскусія аб хрысціянскай ініцыяцыі, якой пакіруе кс. Андрэа Лонардо, дырэктар
катэхетычнага бюро і службы падрыхтоўкі катэхуменаў вікарыята Рыма.
У аўторак,
14 чэрвеня, удзельнікі кангрэсу пачуюць некалькі сведчанняў: аб катэхуменаце і хрысціянскай
ініцыяцыі праз хрост і бежмаванне сярод дзяцей і падлеткаў. Форум завершыцца 16 чэрвеня.