Адзін мільярд людзей
ва ўсім свеце з’яўляюцца інвалідамі. Аб гэтым гаворыцца ў нядаўна апублікаваным дакладзе
Сусветнай арганізацыі здароўя і Сусветнага банка. Каля 15% насельніцтва свету жывуць
з нейкай формай інваліднасці. Да гэтага часу меркавалася, што такіх асоб толькі 10%.
Большасць людзей з абмежаванымі магчымасцямі паходзіць з бедных краін, сярод іх пераважаюць
жанчыны. Калі доля інвалідаў сярод насельніцтва багатых краін складае 6,5%, то ў бедных
краінах іх 20%.
Прадстаўлены ў чацвер у Нью-Ёрку "Сусветны даклад па інваліднасці"
з'яўляецца першым з 1970 г. дакументам, які паказвае рэальныя дадзеныя аб становішчы
людзей з абмежаванымі магчымасцямі. 15% насельніцтва свету з'яўляецца інвалідамі,
пры гэтым, яны размеркаваны нераўнамерна паміж дзяржавамі і рэгіёнамі.
У дакладзе
ўказваецца на сувязь, якая існуе паміж беднасцю і інваліднасцю, а таксама выразна
паказаны гендэрныя адрозненні і няроўнасць. У Афрыцы, напрыклад, 6,4% усіх дзяцей
з'яўляюцца інвалідамі. Гэта значна больш, чым у краінах з высокім узроўнем даходу
(2,8%). Даклад таксама паказвае, што інваліднасць у жанчын знаходзіцца на вышэйшым
узроўні, чым у мужчын. Каля 12% мужчын ва ўсім свеце пакутуюць ад інваліднасці, для
жанчын гэты паказчык складае 19%.