Shqipëri: sipas Berishës Vendimi i Kolegjit është në bazë të Kushtetutës, sipas Ramës
jo
Kryeministri i Shqipërisë Sali Berisha deklaroi se numërimi i çdo vote është parimi
themelor i një sistemi zgjedhor në një sistem demokratik, ndërsa theksoi se vendimi
i Kolegjit Zgjedhor ishte në nderim të Kushtetutës dhe parimit universal të leximit
të çdo vote. "Gjykatësit shqiptarë, njësoj si ata ndërkombëtarë respektuan kushtetutën
e vendit të tyre dhe parimit të numërimit të çdo vote, pasi nuk mund të përjashtohet
nga numërimi asnjë votë e vetme, kur ligji e përcakton atë", tha Berisha, në mbledhjen
e sotme të Komitetit të Integrimit. Kreu i qeverisë theksoi se gjithçka po zhvillohet
është në kuadrin e shtetit ligjor, ndërsa ftoi opozitën që të jetë pjesë e vendimeve
të rëndësishme dhe të mos bllokojë proceset integruese të vendit. "Testi i fundit
politik, po provon edhe funksionimin e shtetit ligjor", tha Berisha.
Ndërsa
kryetari socialist Edi Rama deklaroi se ajo çfarë ka ndodhur së fundmi në Shqipëri
është alarmante dhe se Kolegji me vendimin e padrejtë ka thelluar hendekun mes të
vërtetës dhe të drejtës me padrejtësinë dhe shpërdorimin e detyrës së legalizuar me
vendim gjykate.