Papa: për Lindjen e Mesme duhet zgjidhje globale e negociuar me të gjitha palët
“Për të bërë që paqja të përparojë në rajon, duhet gjetur një zgjidhje globale”, e
të “negociuar që të ketë para sysh aspiratat dhe interesat e ligjshëm të popujve të
ndryshëm që janë të përfshirë”. Ky është urimi që Papa shprehi gjatë audiencës me
ambasadorin e ri të Sirisë pranë Selisë së Shenjtë, Hussan Edin Aala, për situatën
që po kalojnë vendet e zonës së Lindjes së Mesme e të Mesdheut. Ky synim duhet
të vijojë, nënvizoi Benedikti XVI, “pa pasoja e pa dëmtuar asnjërin palë që është
e përshirë në këto procese dhe duhet të jetë fryt i një kompromisi e jo i një zgjedhjeje
të njëanshme të imponuar me forcë”, përndryshe do të ketë vetëm “zgjidhje të pjesshme
e të pamjaftueshme”.