Біскупы Заходняй Афрыкі асудзілі дыктатуры і імперыялізмы
“Цалкам асуджаем усе
дыктатуры і імперыялізмы і выступаем за абсалютную павагу да дэмакратычных законаў
і волі народа, якая выражаецца праз галасаванне”, - напісалі біскупы Заходняй Афрыкі
ў сваёй дэкларацыі ў сувязі з апошнімі палітычнымі падзеямі ў Кот д’Івуары і Лівіі.“Адназначна
асуджаем кіраўнікоў афрыканскіх дзяржаў, якія застаюцца на прэзідэнскай пасадзе пажыццёва
і фальсіфікуюць выбары, каб застацца пры ўладзе”, -адзначаюць іерархі.
Біскупы
Заходняй Афрыкі заклікаюць ААН даць ацэнку знешняму ваеннаму ўмяшальніцтву у Кот д’Івуар
адзначаючы, што яно з’яўляецца грубым парушэннем законаў гэтай краіны. “Каталіцкі
Касцёл мае місію выхоўваць у вучнях Хрыста любоў да іншых народаў, як да свайго. -
пішуць у сваім дакуменце афрыканскія іерархі - Таму заклікаем міжнародную супольнасць
уважліва падыходзіць да кожнага выпадку, у якім неабходна гуманітарнае умяшальніцтва”.
Біскупы адзначаюць, што калектыўныя эгаізмы могуць набываць форму гуманітарнай
дапамогі, але на самой справе разбураць годнасць і суверэнітэт народаў. “Таму неабходна
міжнароднае кіраўніцтва, якое будзе грунтавацца на этычных прынцыпах. - пішуць аўтары
дакумента. Акрамя таго, дэкларацыя утрымлівае заклік да кіраўнікоў рэлігійных супольнасцяў,
каб яны спрыялі прымірэнню, справядлівасці і міру. “Паўтараючы словы Бэнэдыкта XVI
сцвярджаем, што гвалт і нянавісць гэта заўсёды параза і шлях без будучыні”, - адзначылі
ў сваёй дэкларацыі біскупы Заходняй Афрыкі.