Rezolutë e Londrës dhe e Parisit në OKB për Sirinë

Londra e Parisi paraqitën sot në Këshillin e Sigurimit të OKB-së një rezolutë për të dënuar shtypjen e revoltave me dhunë nga regjimi sirian i presidentit Bashar Al Asad. Britania e Madhe e Franca kërkojnë gjithashtu, që të hapet një korridor humanitar.
Tashmë janë me mijëra refugjatët sirianë të strehuar në Turqi e në Liban, por gjatë ditëve të fundit numri i tyre është shtuar në mënyrë të veçantë. Ndeshjet ndërmjet rebelëve dhe forcave qeveritare kanë shkaktuar deri tani mëse 1.300 viktima.