Benedikti XVI takohet me drejtorin ekzekutiv të Agjencisë së OKB-së kundër Drogës
e Krimit.
Në përfundim të audiencës së sotme të përgjithshme, Papa u takua me Juri Fedotov,
drejtor ekzekutiv iAgjencisë së OKB-së kundër Drogës e Krimit (Unodoc).
Duke pasur parasysh bashkëpunimin, në rritje, të Agjencisë me organizatat fetare e
duke pranuar rolin e madh që luajnë në përpjekjet për krijimin e një shoqërie pa krime
e pa drogë, Fedotov pohoi se, me një miliard besimtarët e saj, Kisha Katolike ka një
pozitë të privilegjuar në misionin për të përhapur ndërmjet njerëzve mesazhe kyçe,
që mund të ndikojnë fuqimisht për parandalimin e krimit e të përdorimit të drogës.
Audienca me Atin e Shenjtë – shpjegohet në një komunikatë të Unodoc – ishte një
rast i përshtatshëm për të thelluar bashkëpunimin ekzistues me Kishën Katolike, posaçërisht
në fushën e parandalimit të drogës, mbrojtjes së shëndetit, luftës kundër kriminalitetit,
trafikut të njerëzve e të emigrantëve. Këto tematika u prekën edhe gjatë takimeve
që, këto ditë, drejtori ekzekutiv i Unodoc pati me kryeipeshkvin Dominik Mambertì,
sekretar i Vatikanit për Marrëdhëniet me Shtetet dhe me kardinalin Peter Turkson,
kryetar i Këshillit Papnor të Drejtësisë e Paqes.