Моладзь Афганістана
змучана сітуацыяй, якая існуе ў краіне і хоча “жыць у міры і ў бяспецы, у надзеі,
што некалі ўвесь народ будзе аб’яднаны і ўступіць на шлях міру і мудрасці”, - сказаў
кс. Стэн Фернандэс. У Афраністане моладзь ва ўзросце з 12 да 25 гадоў складае 68%
насельніцтва. Моладзь школьнага ўзросту – гэта палова насельніцтва краіны, што з’яўляецца
найбольшым адсоткам ва ўсім свеце, аднак амаль ніхто з іх не мае магчымасці хадзіць
у школу.
“Адукацыя з’яўляецца рэальнай марай афганскіх дзяцей”, - адзначыў
індыйскі езуіт, які падкрэсліў, што нягледзячы на малую колькасць айцоў Таварыства
Езуса ў Афганістане, за апошнія шэсць гадоў яны унеслі тут значны ўклад у адукацыю.
Праз курсы для выкладчыкаў і супрацоўнікаў вышэйшых навучальных устаноў, прычыніліся
да паляпшэння ўзроўню жыцця моладзі.
Кс. Фернандэс адзначыў, што “мір і стабільнаць
вернуцца ў Афганістан. Мы намагаемся працягваць працу сярод народу гэтай зямлі, асабліва
сярод найбольш пакрыўджаных. Робячы гэта мы атрымліваем больш чым спадзяваліся”, -
падкрэсліў ён.