Ірландыя: завяршыўся першы этап Апостальскай візітацыі
У Ірландыі завяршыўся
першы этап Апостальскага візітацыі абвешчанай Святым Айцом у Пастырскім лісце да католікаў
гэтай краіны, з мэтай “дапамагчы мясцоваму Касцёлу на шляху яго аднаўлення”.
Як
адзначаецца ў справаздачы апублікаванай Заляй Друку Апостальскай Сталіцы, візітатары
накіраваліся ў Ірландыю з канкрэтнымі заданнямі. Па-першае даследваць якасць адносінаў
паміж рознымі касцёльнымі кампанентамі, семінарыямі і манаскімі супольнасцямі і іх
здольнасць рэалізаваць глыбокае духоўнае аднаўленне Касцёла ў гэтай краіне. Акрамя
таго пасланнікі Святога Айца пазнаёміліся з эфектыўнасцю працэдураў, што прымяняліся
да абвінавачаных у сэксуальным выкарыстанні непаўналетніх і дапамогі аказанай ахвярам.
Па
выніках знаёмства з сітуацыяй у Ірландыі візітатары адзначаюць, што мелі магчымасць
вельмі блізка пазнаёміцца з жыццём мясцовага Касцёла. Усе вынікі даследванняў, апытанняў
і назіранняў былі перададзены ў розныя дэкастэрыі Апостальскай Сталіцы і плануецца,
што на іх падстваве, на пачатку 2012 г. з’явіцца спецыяльны ліст Святога Айца.