Më 6 qershor, kalendari Kishtar përkujton Shën Norbertin, ipeshkëv.
Me kalimin nga një jetë pas lumturive të përkohshme e gjërave materiale, në përjetimin
e fortë të fesë së krishterë e përqafimin e mësimeve ungjillore, Norberti themeloi
më 1121, Urdhri e Premostratensëve, një ndër Urdhrat më të vjetër rregulltar Murgar,
që ju përkushtua posaçërisht edhe ungjillëzimit “ad extra” të jashtëm, duke paraprijë
kështu ngjarjen e Urdhrave lypsar: Premostratensët. Emri vjen nga lugina franceze
e Prémontrés, në afërsi të Laonit, ku shën Norberti qe ndalur dhe pat jetuar gjatë
së bashku me disa shokë që ndanin së bashku përvojën e fesë dhe të jetës murgare. Norberti
lindi në Xanten të Gjermanisë, në vitin 1080. Siç përmendem më lartë, Norberti kaloi
një jetë shekullare mes të mirave materiale e kalimtare, larg praktikimit të fesë
e mësimeve ungjillore, derisa një ngjarje që përjetoi, e nxiti ta ndryshonte jetën
rrënjësisht. Një rrufe kishte rënë afër tij, po për fat pa e vrarë, vetëm e kishte
lënë pa ndjenja përtokë. Nga kjo ngjarje tronditëse, Norberti vendosi të kthehej
dhe ta përqafojë fenë e krishterë, u shugurua prift në vitin 1115. Punojë me të gjitha
forcat për reformën e klerit e predikonte këmbëzbathur në misionet shëtitëse. Urdhri
murgar, të cilin ai e themeloi, shumë shpejt u përhap në Evropë dhe në Palestinë.
Në vitin 1126 qe emëruar ipeshkëv i Magdeburgut. Vdiq më 1134 dhe më 1582 u shpall
shenjtë.