Papa lutet mbi varrin e të lumit Stepinac në katedralen e Zagrebit.
Standing ovacion për Benediktin XVI sot pasdite në katedralen e Zagrebit. Pas lutjes
së mbrëmësores në katedralen e Zagrebit e në mbarim të fjalimit të tij, në cilin kujtoi
figurën e shquar të të Lumit Alojzije Stepinac e qëndrimin e tij të prerë kundër diktaturës
komuniste, të pranishmit, në këmbë, e duartrokiten përzemërsisht për disa minuta Atin
e Shenjtë Racinger, që falënderoi të gjithë pranishmit. Në përfundim të lutjes
së mbrëmësores, kremtuar në katedralen e Zagrebit, Papa u ndal për disa minuta në
lutje mbi varrin e të lumit Alojzije Stepinac (1898-1960), figurë historike. Ipeshkëv
e martir, i shpall i lumtur më 3 tetor 1998 nga Gjon Pali II, Stepinac në Kroaci konsiderohet
si figurë qendrore e Kishës katolike vendore e Nëntëqindës, kundërshtar i madh i të
gjitha totalitarizmave, kundër fashizmit e kundër komunizmit, dhe mbrojtës i identitetit
katolikë kroat në periudhën socialiste. Në nivelin ndërkombëtar Stepinac është
një personalitetit i diskutueshëm, në rend të parë për polemikat ndërmjet historianëve,
por edhe katolikëve nga njëra anë e serbëve ortodoksë në anën tjetër mbi rolin e tij
gjatë luftës së Dytë botërore dhe qëndrimet e tij pak të qarta ndaj regjimit ustashë
të udhëheqësit kroat Ante Paveliç, që u vendos në Zagren më 1941 nga Mussolini e Hitleri.