Մայիս 30-ին, Տանն Կիլիկիոյ Կաթողիկէ Հայոց Ամենապատիւ Ներսէս Պետրոս ԺԹ Կաթողիկոս Պատրիարքը,
անուանեց հայր Գաբրիէլ վրդ Մուրատեանը պատրիարքական փոխանորդի առժամեայ տեղապահ՝ Զմմառու
Պատրիարքական Միաբանութեան. ըստ Միաբանութեան կանոնագրին թիւ 123 յօդուածին: Հայր
Գաբրիէլ կը վարէ այս պաշտօնը, մինչեւ որ տեղի ունենայ ընտրութիւնը, Միաբանութեան նոր
Պատրիարքական ընդհանուր փոխանորդի: Նշենք, որ անցեալ 21 մայիսին նախկին պատրիարքական
փոխանորդ՝ հայր Միքայէլ ԹԾՎ Մուրատեան, Պենետիկտոս ԺԶ Սրբազան Քահանայապետին յատուկ կոնդակով
անուանուեցաւ առաջնորդ՝ Հիւսիսային Ամերիկայի Ս. Գրիգոր Նարեկացի հայ կաթողիկէ թեմին: