31 മെയ് 2011, ന്യൂയോര്ക്ക് പുകയിലയുടെ ഉപയോഗം നിയന്ത്രിക്കുന്നതിലൂടെ അര്ബുദവും
ഇതര ഹൃദ്രോഗങ്ങളും നിയന്ത്രിക്കുവാന് സാധിക്കുമെന്ന് ബാന്കി മൂണ്, ഐക്യരാഷ്ട്ര സംഘടനയുടെ
പൊതുകാര്യദര്ശി. മെയ് മാസം മുപ്പത്തിയൊന്നാം തിയതി അന്തര്ദേശീയ പുകയിലവിരുദ്ധ ദിനമായി
ആചരിക്കുന്നതോടനുബന്ധിച്ചു നല്കിയ സന്ദേശത്തിലാണ് അദ്ദേഹം ഈ പ്രസ്താവന നടത്തിയത്. ഇരുപതാം
നൂറ്റാണ്ടില് പത്തുകോടിയോളം പേരുടെ ജീവനെടുത്ത പുകയിലയ്ക്കെതിരേ ശക്തമായി പ്രവര്ത്തിച്ചില്ലെങ്കില്
പുകയിലയ്ക്കടിമകളായി മരണമടയുന്നവരുടെ എണ്ണം ഈ നൂറ്റാണ്ടില് നൂറുകോടി കവിയുമെന്നും ബാന്
കി മൂണ് മുന്നറിയിപ്പു നല്കി. ലോകാരോഗ്യ സംഘടന തയ്യാറാക്കിയ പുകയില നിയന്ത്രണ പദ്ധതിയില്
പങ്കാളികളായിക്കൊണ്ട് പുകയിലക്കെതിരേ പടപൊരുതുവാന് അദ്ദേഹം ലോക രാഷ്ട്രങ്ങളെ ക്ഷണിച്ചു.