Gjermania i thotë lamtumirë energjisë bërthamore brenda vitit 2022
Brenda vitit 2022, Gjermania do t’i thotë një herë e përgjithmonë lamtumirë energjisë
bërthamore. Vendimi, konsideruar “i pakthyeshëm” nga ministri i ambientit Norbert
Rëtgen, u mor pas një debati të ashpër në parlament e në gjirin e shoqërisë civile.
Nga 17 centralet bërthamore në territorin gjerman, të paktën 8 janë ndalur pas tërmetit
në Japoni e problemeve në Fukushima. Berlini parashikon fikjen e 6 reaktorëve brenda
vitit 2021. Tre të tjerët, që mbeten, do të mbyllen brenda vitit 2022. Pyetëm koordinatorin
e projektit “Etika dhe Politika ambientale” në Fondacionin Lanca të Padovës, Mateo
Masha, sa ndikoi incidenti i Fukushimës mbi këtë vendim:
Sigurisht,
çështja e Fukushimës ndikoi fuqimisht në këtë debat, sepse, në një farë mënyre, tregoi
se nuk ekzistojnë centrale bërthamore të sigurta. Gjermania është një nga prodhuesit
më të mëdhenj në botë të energjisë nga era, ose nga dielli e me 11 vjetët që mbeten
për mbylljen e centraleve bërthamore, na bën të ditur se mjafton kjo kohë për të fuqizuar
prodhimin e energjisë alternative deri në arritjen e autonomisë. Parashikohet gjithashtu
fuqizimi i prodhimit të energjisë nga gazi i metanit, përmes lidhjeve me Rusinë.
Gjermania
do t’i eliminojë centralet bërthamore, por mbeten ato në Francë për shembull. Pra,
problemi nuk zgjidhet përfundimisht…
Po, por është e vërtetë edhe se vendimet
tona nuk mund të varen nga fakti se pranë nesh kemi njerëz që sillen keq, ose zgjedhin
diçka tjetër. Është e qartë se ekziston rreziku i centraleve të afërta, por besoj
se mesazhi, që jep Gjermania, është se e ardhmja do të bazohet mbi energjitë e rinovueshme
e mbi efikasitetin energjitik, si edhe për disa aspekte, mbi gazin e metanit.
Sipas
jush, ky i Gjermanisë, është vendim politik, apo i shtyrë nga lëvizjet ambientaliste?
Nuk
besoj se ky vendim u mor vetëm për shkak të Fukushimës, apo për shkak të fushatës
elektorale të kancelares Merkel e të fitores së të gjelbërve. Mendoj se është një
vendim i pjekur në kohë, mbi bazën e një sërë studimesh me karakter epidemiologjik,
por edhe ekonomik, sepse të mos harrojmë se energjia bërthamore nuk ka leverdi ekonomike
më shumë se energjitë e tjera. Gjithsesi, është pozitiv fakti që ku vendim u mor edhe
pas konsultimit me subjektet aktive në bashkësi e ndër ta, edhe me Kishat, të cilat,
që nga vitet ’90, promovojnë energjitë e rinovueshme.
Kësaj radhe, etika
e politika u lidhën mirë, apo jo?
Absolutisht po, pasi ne kemi përgjegjësi
etike për të ardhmen, për planetin e ambientin që u lemë brezave të rinj, për teknologjitë
që lemë pas. Mendoj se vendimi për të investuar mbi burime energjitike me ndikim e
rrezik më të vogël për popullsinë është një vendim etik shumë i rëndësishëm.