У Алжыры працягваецца
пераслед хрысціян. Паводле міжнароднай арганізацыі “Open Doors”, якая адстойвае правы
хрысціян, улады алжырскай правінцыі Беджая абвясцілі аб закрыцці 7 хрысціянскіх храмаў.
На працягу апошніх месяцаў у Алжыры ўсё часцей адзначаюцца выпадкі рэлігійнай нецярпімасці
ў адносінах да хрысціян.
Кіраўнік адной з пратэстанцкіх суполак Алжыра Мустафа
Крым, запрошаны 22 мая ў паліцэйскі ўчастак Беджая, быў пастаўлены перад фактам закрыцця
ўсіх культавых месцаў у правінцыі, акрамя мусульманскіх. Алжырскі ўрад спасылаецца
пры гэтым на закон, прыняты ў сакавіку 2006 г., які абмяжоўвае адпраўленне любых немусульманскіх
рэлігійных абрадаў.
Паводле інфармацыі “Open Doors”, хрысціян у Алжыры працягваюць
саджаць у турмы за так званае “блюзнерства”, мясцовыя ўлады часта перашкаджаюць правядзенню
хрысціянскіх набажэнстваў.
Папярэдні ўказ урада, які датычыць закрыцця культавых
будынкаў, быў выдадзены ў 2008 г. Тады былі зачынены 26 храмаў.