Мінск: па цэнтральных вуліцах прайшла працэсія Божага Цела
29 мая па цэнтральных
вуліцах Мінска адбылася працэсія Божага Цела. Духавенства сталіцы, сёстры законныя
і шматлікія вернікі, ідучы за Езусам эўхарыстычным да чатырох алтароў, публічна сведчылі
сваю веру.
Супольная малітва па традыцыі распачалася з цэлебрацыі святой Імшы
каля касцёла Найсвяцейшай Тройцы (святога Роха) на Залатой Горцы, якую ўзначаліў дапаможны
біскуп Мінска-Магілёўскай Архідыяцэзіі Антоні Дзям’янка. Іерарх расказаў у інтэрв’ю
нашаму радыё , што “у гэтым годзе правядзенню працэсіі спрыяла вельмі добрае надвор'е:
прайшоўшы напярэдадні дождж асвяжыў паветра, а сонейка і лёгкі ветрык, стваралі радасны
настрой”.
Нягледзячы на ўзнікшыя напярэдадні мерапрыемства цяжкасці звязаныя
з атрыманне дазвола на правядзенне працэсіі па цэнтральных вуліцах Мінска, вернікі
і святары вельмі адказна падрыхтаваліся да арганізацыі гэтага свята. “Былі зроблены
вельмі прыгожыя алтары, якія можна назваць сапраўднымі творамі мастацтва. - сказаў
біскуп Антоні Дзям’янка - Хачу адзначыць, што святары вельмі грунтоўна падрыхтавалі
гаміліі: кароткія, але з вельмі глыбокім сэнсам, У сваіх прамовах, яны суаднеслі актуальнымі
для грамадства справы з Эўхарыстыяй, вяршыняй хрысціянскага жыцця”.
Іерарх
падкрэсліў, што з кожным годам у працэсіі ўдзельнічае ўсё большая колькасць вернікаў,
як католікаў, так і прадстаўнікоў іншых веравызнанняў, а таксама адметнасцю сёлетняй
працэсіі біскуп Антоні Дзям’янка назваў, вялікую колькасць дзяцей, якія ў гэтым годзе
прынялі першую Святую Камунію.