“Візіт у Харватыю,
гэта вяртанне, таму што Святы Айцец неаднаразова наведваў гэту краіну, калі яшчэ быў
кардыналам”. Так пракаментаваў маючае адбыцца падарожжа Папы ў гэту краіну кс. Фэдэрыка
Ламбардзі. “Гэта вяртанне, таму што Папа там быў тры разы за апошнія дваццаць год”.
На думку Дырэктара Ватыканскага радыё, Святы Айцец можа сябе адчуваць у Харватыі,
як дома. Ён адзначае, што гэта краіна мае глыбокія хрысціянскія і каталіцкія карані,
якія ўмацоўваліся ў цяжкія часы, асабліва на працягу мінулага стагоддзя. “Апостальская
Сталіца з ўдзячнасцю адказвае сваёй блізасцю і салідарнасцю Харватыі за гэту вернасць”.
“Сёння
Харватыя сустракаецца з выклікам секулярызацыі: сям’я і моладзь з’яўляюцца важнымі
сферамі для дзейнасці. Таму галоўнай падзеяй Папскага падарожжа будзе ўдзел у Сустрэчы
харвацкіх сем’яў і моладзі, якая праходзіць у гэтай краіне кожныя два гады. “Разам
у Хрысце” – так гучыць дэвіз гэтай сустрэчы”. “У свеце, у якім заўсёды павялічваецца
колькасць спосабаў камунікацыі, што змяняюць само жыццё, у рэальнасці сустрэча і камунікацыя
паміж людзьмі становіцца больш цяжкай. - адзначыў кс. Ламбардзі - Касцёл абапіраецца
на Хрыста, каб падтрымліваць адзінства і місію сем’яў і ўмацаваць надзею моладзі.
Такім чынам Касцёл служыць чалавечай супольнасці, нацыянальнай супольнасці, якая сёння
пасля распаду Югаславіі рыхтуецца да больш глыбокага ўваходу ў супольнасць еўрапейскіх
народаў, праз інтэграцыю ў Еўрапейскі Саюз”.
Кс. Ламбардзі адзначае, што візіт
Папы ўнясе шмат у культуру і вялікую традыцыю харвацкага народа. “Вялікія асобы працягнуць
натхняць яго шлях, як гэта рабілі навуковец іезуіт Руджэра Босковіч, малады благаслаўлёны
Іван Мэрц, вялікі пастыр і мучанік, благаслаўлёны кардынал Стэпінак. Разам у Хрысце,
з Папам, трэба глядзець у будучыню з даверам і адвагай”, - падсумовае свае думкі кс.
Фэдэрыка Ламбардзі ў сваё штотыднёвай рубрыцы на Ватыканскім радыё.