Վատիկան - Կարտինալ Մարատիակա Վերընտրուեցաւ, Միջազգային Գարիթասի Նախագահ եւ ֆրանսացի
Միշէլ Ռուա-ն Որպէս Ընդհանուր Քարտուղար։
Միջազգային Գարիթասը իր ղեկավարութեան անդամներու վերանորոգումը աւարտեց ընտրելով ֆրանսացի
Միշէլ Ռուա որպէս ընդհանուր նոր քարուղար։ Այս անուանումը եկաւ Կարտինալ Մարատիական Միջազգային
Գարիթասի նախագահ վերահաստատելէ ետք ։ 56 տարեկան Միշէլ Ռուա եղած է տնօրէն կաթողիկէ
օգնութեան ֆրանսական բարեսիրական մարմնին։ Միջազգային Գարիթասի 19-րդ ընդհանուր համաժողովի
աշխատանքներէն ի յայտ եկաւ թէ այս մարմնի դերակատարները կանչուած են եղբայրսիրութիւնը
կատարելէ առաջ` հաւատքը հաղորդել։ Միջազգային Գարիթասի անդամներու մատուցած պատարագին
ընթացքին Վատիկանի Պետական Քարտուղարը իր արտասանած քարոզին մէջ ընդգծեց Գարիթասի եկեղեցական
նկարագիրը ։
Կարտինալ Մարատիակա Վերընտրուեցաւ, Միջազգային Գարիթասի
Նախագահ։ ''Իմ ամենամեծ մտահոգութիւնը պիտի ըլլայ ծառայել յետին աղքատներուն''։
Ասիկա եղաւ հոնտուրասցի 65-ամեայ Կարտինալ Մարատիակայի խօսքը, զոր ուղղեց 165 պատուիրակներուն։
Միջազգային Գարիթասը, որ այս տարի կը տօնախմբէ իր հիմնարկութեան 60-ամեակը. իր ընդհանուր
համաժողովը կը կատարէ 22-27 մայիս, Հռոմի մէջ , ունենալով որպէս բնաբան. ''մէկ մարդկային
ազգ զէրօ աղքատութիւն''։ Միզգային Գարիթասը այս տարի ունեցաւ հինգ նոր անդամներ` Գարիթաս
Վիէթնամ, Շուէտ, Մոնաքօ, Սաոմա եւ Մոնկոլիա։