Պենետիկտոս ԺԶ Սրբազան Քահանայապետի Գործունէութիւնը

Ուրբաթ 27 մայիս 2011ի առաւօտեան Պենետիկտոս ԺԶ Սրբազան Քահանայապետը իր գրասենեակի մէջ ընդունեց Հնդկաստանի եպիկոպոսաց համահաւաք դասի եօթը եպիսկոպոսներ որոնք հռոմ ժամանած են իրենց կանոնական հնգամեայ այցելութիւնը կատարելու Սուրբ Պետրոսի յաջորդին։
Ժամը 12ին Գլէմէնթինա Սրահին մէջ Նորին Սրբութիւնը ընդունեց Միջազգային Գարիթասի Ընդհանուր Ժողովի 400 Մասնակցողները։
Յետ միջօրէին Պենետիկտոս ԺԶ Սրբազան Քահանայապետը հանդիպում կ՛ունենայ Հուգարիոյ Հանրապետութեան Նախագահ Տիար Բալ Շմիտի ու անոր կողակիցին հետ ու ապա ժամը 18 Պօղոս Զ-ի անուան սրահին մէջ կը մասնակցի իրեն ի պատիւ Հունգարիոյ նախագահի կողմէ նախաձեռնուած համերգի մը` Եւրոպայի միութեան մէջ Հունգարիոյ վեցամսեայ նախագահութեան` ինչպէս նաեւ հունգարացի դաշնակահար՝ ֆրանց Լիցի ծննդեան (1811-1886) 200 ամեակին առիթներով։ Համերգի աւարտին Նորին Սրբութիւնը Ճառ մը պիտի ուղղէ ներկաներուն։