26 мая ў рымскай базыліцы
“Santa Maria Maggiore”, Бэнэдыкт XVI узначаліць ружанцовую малітву, якую правядзе
разам з італьянскімі біскупамі ў інтэнцыі прысвячэння Італіі Найсвяцейшай Панне Марыі.
Малітва і акт прысвячэння краіны Багародзіцы прымеркаваны да 150-гадовага юбілею аб’яднання
Італіі, які адзначаецца ў гэтым годзе.
Малітва пройдзе перад абразом Марыі
“Выратавальніцы рымскага народа”, адной з самых старэйшых і любімых італьянцамі выяваў
Маці Божай. Святы Айцец памоліцца, “каб Італія трывала ў супакоі і нанава адкрыла
адзінства ў сваёй традыцыйнай спадчыне і хрысціянскай веры”.
Пантыфік ужо
маліўся аб адзінстве Італіі падчас свайго пасхальнага благаслаўлення “Urbi et Orbi”.
“Жадаю каб Уваскрослы Хрыстус абудзіў у асобах, сем’ях і супольнасцях, жаданне адзінства
і згоды”, - сказаў тады Папа. Акрамя таго, падчас свайго візіту ў Аквілею, Святы Айцец
нагадваў аб місіі хрысціян, якія жывуць у Італіі, прыняць на сябе адказнасць у розных
грамадскіх сферах, асабліва ў палітычнай. Аб гістарычным значэнні ўкладу вызнаўцаў
Хрыста ў адзінства Італіі Бэнэдыкт XVI казаў падчас сустрэчы з Прэзідэнтам гэтай краіны
Джорджыо Напалітана.