Бэнэдыкт XVI прысвяціў Італію Найсвяцейшай Панне Марыі
26 мая Бэнэдыкт XVI
здзейсніў акт прысвячэння Італіі Найсвяцейшай Панне Марыі. Цэрымонія і малітва прайшла
ў базыліцы “Santa Maria Maggiore”, першай ў свеце базыліцы прысвечанай Багародзіцы.
У
сваёй прамове падчас цэрымоніі прысвячэння Святы Айцец адзначыў, што “Марыя паклала
пачатак прысутнасці Бога ў гісторыі і адкрыла яе новы этап, у якім кожны чалавек можа
нарадзіцца нанава, жыць паводле Божай волі і значыць, цалкам рэалізаваць сябе”. Святы
Айцец адзначыў, што “у кожную гістарычную эпоху сустрэча з заўсёды новым словам Евангелля
была ажыўляючым для грамадства, спрыяла пабудове мастоў паміж народамі і ўзбагачала
гарады, выражаючыся ў культуры, мастацтве, і канешне ў разнастаўных формах міласэрнай
любові”. “У гэтым кантэксце, Італія, у 150-ю гадавіну свайго аб’яднання, павінна ганарыцца
прысутнасцю і дзейнасцю Касцёла. - сказаў Пантыфік звяртаючыся да прысутных на цэрымоніі
прадстаўнікоў італьянскага епіскапата - Касцёл працягвае рабіць уласны ўклад у пабудову
супольнага дабра, заклікаючы кожнага да абавязку спрыяць і клапаціцца аб чалавечым
жыцці на ўсіх яго этапах, абараняць сям’ю, месца ў якім могуць узрастаць свабодныя
і адказныя асобы, фарміраваць каштоўнасці, якія адкрываюць на братэрства і дапамагаюць
пераадольваць жыццёвыя цяжкасці”.
Бэнэдыкт XVI заклікаў Касцёл ў Італіі навучаць
свецкіх вернікаў перамагаць кожную праяву закрытасці і абыякавасці, а таксама актыўна
ўдзельнічаць у грамадскім жыцці. Ён заахвоціў працягваць адукацыйныя ініцыятывы натхнённыя
сацыяльным навучаннем Касцёла, “каб тыя, хто пакліканы да адказнасці ў палітычнай
і адміністрацыйнай сферах, не сталі ахвярай спакусы выкарыстання сваёй пазіцыі ў асабістых
інтарэсах ці дзеля прагі ўлады”.
Папа заклікаў Касцёл у Італіі падтрымліваць
шматлікія грамадскія арганізацыі, які працуюць у культурнай, сацыяльнай і дабрачыннай
сферах. “Пад апеку Маці адзінства аддаем увесь італьянскі народ, каб Пан адарыў іх
дарамі міру, братэрства і грамадскага развіцця”, - маліўся Папа. - “Просім аб дапамозе
для палітыкаў, каб юбілей Аб’яднання стаў для іх нагодай для пераадолення ўсіх падзелаў
і супрацьстаянняў: каб розныя легітымныя погляды, дасведчанні і перспектывы маглі
аб’яднацца для супольнага пошуку таго, што з’яўляецца сапраўднай радасцю і дабром
грамадства”, - сказаў Папа падчас малітвы за Італію.