Апостальская Сталіца заклапочана лёсам маракоў захопленых піратамі
Апостальская Сталіца
выказала сваю заклапочанасць лёсам і гаротным становішчам захопленых піратамі маракоў.
Нядаўнія паведамленні СМІ аб новых захопах марскіх судоў нагадалі аб рэальнасці з’явы
пірацтва ў наш час.
Яшчэ падчас сустрэчы рэгіянальных каардынатараў апостальства
мора, якая была арганізавана Папскай радай пастырства эмігрантаў і падарожнікаў у
лютым гэтага года, было адзначана, што пірацтва дасягнула свайго гістарычнага піку
ў 2010 г, калі было здзейснена 445 нападаў, падчас якіх было захоплена 53 марскія
суды і 1181 марак. Гэта не спынілася і сёння. З гэтага часу было зарэгістравана 214
новых сітуацый з 26 судамі і 522 маракамі, якія сталі закладнікамі піратаў.
З
гэтай нагоды Папская рада пастырства эмігрантаў і падарожнікаў у спецыяльным паведамленні,
якое было апублікавана сёння, выказала сваю заклапочанасць сітуацыяй і звярнулася
са шчырым заклікам да ўрадаў і міжнародных арганізацый, каб прынялі адпаведныя меры
для вяртання маракоў-закладнікаў дамоў. Папская рада заклікае судаўладальнікаў, каб
прынялі прэвентыўныя меры для бяспекі не толькі судоў і грузаў, але і маракоў. Аўтары
паведамлення заклікаюць таксама выкрадзеных маракоў, каб не гублялі надзеі на вызваленне
і заставаліся моцнымі ў веры. Апостальская Сталіца заклікала піратаў пакласці канец
злачынствам і вызваліць маракоў, якія перажываюць вялікую драму жыцця, застаючыся
ў зняволенні.
Ватыканская дыкастэрыя выказала гатоўнасць супрацоўніцтва і ўзаемадзеяння
з урадамі, міжнароднымі арганізацыямі, судаходнымі кампаніямі і прафсаюзамі, каб аблегчыць
пакуты маракоў і аказаць псыхалагічную і духоўную падтрымку іх сем’ям.