Ratko Mladiq arrestohet në Vojvodinë, ku strehohej prej kohësh
Ratko Mladiq është arrestuar nga autoritetet serbe jo larg Zrenjaninit të Vojvodinës.
Ratko Mlladic, i cili kërkohet nga Gjykata Ndërkombëtare e Hagës për krime lufte dhe
gjenocid,u arrestua në ditën kur në Beograd arrin Përfaqësuesja e Lartë për
Politikë të Jashtme dhe Siguri e Bashkimit Evropian, Catherine Ashton. Operacioni
i fshehtë erdhi pas një lajmërimi se ky person, me emrin Milorad Komandic “zotëronte
disa shenja të identifikimit të Ratko Mlladicit dhe ishte fizikisht shumë i ngjashëm
me atë”, pohojnë mediat serbe. Që në prill të 2010, një e përvajshme e Sarajevës,
Slobonda Bosna, pat botuar lajmin se kriminelët e luftës fshiheshin në një stallë
të zonës, duke shëruar depresionin me punë fizike bujqësore e me blegtori. Së bashku
me Mladiqin, ishte edhe Zoran Obrenoviç-Maljiç, kreu i sigurisë së tij. Sipas burimeve,
nuk është hera parë që prania e Mladiqit sinjalizohej në Vojvodinë, ku mund pat mundësi
të mbështetej në ndihmën e miqve. Presidenti i Komisionit evropian Barroso, e quajti
“lajm të madh” arrestimin e Ratko Mladiqit. “Javën e kaluar në Beograd takova Tadiqin
i cili më premtoi për arrestimin e Mladiqit”, kujtoi Barroso, në Deauville, ku gjendet
për punimet e takimit të nivelit të lartë të G8.