Туркменістан: першае ў гісторыі святарскае пасвячэнне
У сталіцы Туркменістана
Ашхабадзе Апостальскі Нунцый ў гэтай краіне арцыбіскуп Антоніо Лючыбэлла удзяліў святарскае
пасвячэнне польскаму законніку з кангрэгацыі Святароў аблатаў Марыі Беззаганнай Рафалу
Хілімонюку. Гэта была першая такога роду цырымонія ў гісторыі былой савецкай цэнтральнаазіяцкай
рэспубліцы.
Новапрэзбітэр нарадзіўся ў 1983 годзе. Першыя манаскія шлюбы склаў
у 2004 г. Неўзабаве пасля гэтага адправіўся ў Туркмэністан.
Першыя структуры
Каталіцкага Касцёла ў гэтай краіне паўсталі 20 гадоў таму, калі 13 красавіка 1991
г. Ян Павел ІІ стварыў Апостальскую адміністратуру Казахстана з сядзібаю ў Карагандзе,
якая ахоплівала ўсю тагачасную Цэнтральную Азію. 29 верасня 1997 г. Святы Айцец заснаваў
місію “sui iuris” для Таджыкістана, Туркменістана і Узбекістана, а 22 снежня таго
ж года для Кіргізіі. Пастырскую апеку над вернікамі ў Туркменістане Папа даручыў айцам
аблатам. З самага пачатку заснавання місі “sui iuris” яе ўзначальвае кс. Анджэй Мадэй
з Польшчы.
Рашэння папы Яна Паўла ІІ аб стварэнні місіі “sui iuris” не прызнаюць
улады Туркменістана, для якіх Каталіцкі Касцёл ў гэтай краіне існуе толькі як частка
дыпламатычнага прадстаўніка Апостальскай Сталіцы. Кс. Мадэй фармальна з’яўляецца сакратаром
нунцыятуры.