Святы Айцец накіраваў тэлеграму ў сувязі з тарнада ў ЗША
Святы Айцец выказаў
свае спачуванні ў сувязі са шматлікімі ахвярамі разбуральнага тарнада ў амерыканскім
штаце Місуры. У тэлеграме, якую ад імя Пантыфіка накіраваў кардынал Дзяржсакратар
Тарчызіо Бэртонэ біскупу Спрынгфілд-Кэйп Жырардо Джэймсу Ван Джонстану гаворыцца,
што Бэнэдыкт XVI з глыбокай заклапочанасцю ўспрыняў навіну аб наступствах катастрафічнага
тарнада, які абрынуўся ў Джоплін у нядзелю і выказвае сваю блізкасць у малітве. Папа
просіць Божай міласэрнасці для загінуўшых, суцяшэння для пацярпелых і сілы для тых,
хто застаўся без даху над галавой. Святы Айцец заклікае мясцовыя грамадзянскія і рэлігійныя
ўлады прыняць актыўны ўдзел у аказанні дапамогі пацярпелым. Ён моліцца аб мудрасці,
сіле духа і настойлівасці для жахароў краіны ва ўсіх добрых справах.