24 мая ў літургічны
ўспамін Найсвяцейшай Панны Марыі Успамогі Хрысціянаў, якую ўшаноўваюць кітайскія католікі
ў санктуарыі Шэшань у Шанхаі, Касцёл аб’ядноўваецца ў малітве за Касцёл у Кітаі, у
гэты пасхальны перыяд, калі падчас літургіі праслаўляецца Уваскрасенне Хрыста, які
перамог, жыве і прысутнічае ў жыцці Касцёла і падзеях свету”, - сказаў Святы Айцец
падчас агульнай аўдыенцыі 18 мая гэтага года.
У сваім закліку Бэнэдыкт ХVI
запрасіў кітайскіх католікаў узносіць свае малітвы да Марыі, “Панны моцнай верай”
і заклікаў усіх католікаў маліцца за Касцёл у Кітаі, які мае патрэбу ў малітве ўсёй
супольнасці вернікаў. “Праз малітву, - дадаў Святы Айцец, - Касцёл ў Кітаі зможа застацца
адзіным, святым і каталіцкім, верным і цвёрдым у дактрыне і касцёльнай дысцыпліне”.
Выказваючы блізкасць Паўсюднага Касцёла да біскупаў, святароў і вернікаў,
якія напатыкаюць цяжкасці ў свабодным вызнаванні веры, Святы Айцец падкрэсліў яшчэ
раз эфектыўнасць малітвы, праз якую яны змогуць “атрымаць разам з намі радасць і сілу
абвяшчэння і сведчання з усёй адвагай і без перашкод пра Езуса Хрыста, укрыжаванага
і ўваскрослага, Новага чалавека, пераможцы граху і смерці”. Папа заклікаў усю супольнасць
Касцёла прасіць Марыю, каб “асвяціла тых, хто сумняваецца, навярнула тых, што страціў
веру, суцешыла пакутуючых, умацавала тых, хто заблытаўся ў апартунізме”.