Paraqitet katekizmi për Takimin VII botëror të Familjeve që mbahet në Milano më 2012
Këshilli Papnor për Familjen paraqiti sot paradite në Vatikan librin doracak me ligjërata
katekizmi dhe faqen e re të internetit kushtuar familjes, si parapërgatitje për Takimin
botëror të Familjes që do të mbahen më 2012 në Milano. Qëllimi, tha kardinali Antonelli,
është: “informimi mbi aktivitetet institucionale e mbi projektet kryesore; favorizimi
i bashkëpunimit ndërmjet elementeve të ndryshme të Këshillit Papnor për Familjen e
subjekteve kishtare e civile të angazhuara në botë në mbështetje të familjes e të
jetës”. “Familja: puna e festa”: ky është titulli i përmbledhjes së katekizmit
parapërgatitor i Takimit të VII botëror të Familjeve, që do të mbahen në Milano të
Italisë nga data 3o maj deri më 3 qershor 2012. Sot paradite, në Sallën e Shtypit
të Vatikanit, kardinajt Ennio Antonelli, president i Këshilli Papnor për Familjen,
e Dionigi Tettamanzi, kryeipeshkëv i Milanos, paraqitën para shtypit doracakun, botuar
nga Shtëpia botuese e Vatikanit dhe faqen e re të internetit kushtuar familjes
apo anglisht , frëngjisht www.famille.va Të nisemi nga familja për ta hapur
atë ndaj botës: puna e festa për të “banuar” hapësirën sociale e për të “jetuar” kohën
njerëzore. Një vit nga Takimi botëror i Familjes, paraqitet një “doracak ndihmës tejet
i çmueshëm”, nënvizoi kardinali Antonelli, fryt i parë i bashkëpunimit ndërmjet dikasterit
të Vatikanit e kryedioqezës së Milanos, që bartë “shumë mirë” peshën e kësaj ngjarje,
“me guxim, forcë e krijimtari”. Dhjetë ligjërata katekizmi biblik që na ofron doracaku,
të pasuruara me tekste nga magjisteri kishtar, të ilustruara me figura të shkëlqyeshme
artistike. Përveç botimit në gjuhën italiane, ky doracak është i gatshëm edhe në gjuhën
angleze, spanjolle, franceze, gjermane, portugeze e polake. Synimi i këtij libri
të vogël me tekste katekizmi është të ndihmojë përgatitjen sa më të përshtatshme kishtare
e kulturore nëpër bashkësitë kishtare famullitare, dioqezane e kombëtare të të gjithë
atyre që do të marrin pjesë në Takimin e VII Botëror të Familjes në Milano nga 30
maj – 3 qershor 2012.