Libia e pranvera arabe, ndër temat e presidentit Obama në Londër
Obama e Cameron ripohojnë marrëdhëniet themelore. Presidenti i SHBA-së, Barack Obama,
është në Londër pas etapës së parë në Irlandë, dje, të misionit të tij evropian që
do ta çojë edhe në Francë e në Poloni. Obama, i shoqëruar nga gruaja Michelle, është
prit në Buckingham Palace nga mbretëresha Elizabeta II. Përveç shqyrtimit të skenarëve
kryesorë ndërkombëtar ku janë të angazhuar së bashku SHBA-së e Britania e Madhe, bisedimet
e Obamës janë përqendruar edhe mbi tema të ekonomisë. Obama e David Cameron, në një
artikull të shkruar bashkërisht e botuar në të përditshme “The Times”, flasin për
“një marrëdhënie jo vetëm të veçantë, por thelbësore” ndërmjet dy Vendeve, duke pohuar
se “kur SHBA-së e Britania e Madhe janë së bashku, njerëzit tanë e njerëzit e mbarë
botës janë më të sigurt e më të begatshëm”. Të dy liderët pohojnë se SHBA-së e Britania
e Madhe duhet të bashkëpunojnë për ndërtimin e ekonomike përkatëse, pas shok-ut të
thellë që ka goditur ekonomin globale në vitet e fundit. “Jemi dy Vende të ndryshme,
por caku ynë duhet të jetë i njëjtë, do të thotë rritja e fortë dhe e mbështetshme,
reduktimi i borxhit e reforma e sistemit financiar, kështu që të mos jetë më të mundshme
keqpërdorimet e së kaluarës”, shkruajnë Obama e Cameron. Pra, 41 të shtëna topi
në Bakingam Palas përshëndetën presidentin amerikan Barak Obama, i cili filloi kështu
vizitën dy-ditore në Britaninë e Madhe, e dyta e një kryetari shteti amerikan pas
asaj të Xhorxh W. Bushit në vitin 2003. Pas takimit me mbretëreshën Elizabeta, Obama
vizitoi Abacinë e Uestminsterit dhe bisedoi me kryeministrin Dejvid Kamerun. Ndër
temat e bisedës, më të rëndësishmet kishin të bënin me formimin e një këshilli të
përbashkët amerikano-britanik për sigurinë në fushën ndërkombëtare. Por pa dyshim,
takimi më i gjatë ndërmjet të dyve do të jetë ai i ditës së nesërme, gjatë të cilit
argumente si gjendja në Azi, në Lindjen e Mesme e pranvera arabe do të tërheqin jo
pak vëmendjen e botës.