Don Viktor Sopi: të ndihmohet Karitasi i Kosovës në ballafaqim me sfidat e reja shoqërore.
Drejtori i Karitasit të Kosovës, don Viktor Sopi gjatë pjesëmarrjes në punimet e Asamblesë
së 19-të të Përgjithshme të Karitasit Ndërkombëtar që po zhvillohen këtyre ditëve
në Romë, analizon situatën aktuale të shoqërisë kosovare dhe flet për sfidat që ky
organizëm i Kishës katolike ka para sot. Varfërive të dikurshme të natyrës ekonomike
e financiare, pohon don Viktori sot i janë shtuar varfëritë e reja si egoizmi, kriza
e vlerave familjare, morale e shpirtërore që kanë ndikuar në rritjen e varfërisë në
një shkallë të përgjithshme edhe më të thellë në shoqërinë e re. Kisha përmes
Karitasit mundohet të ofron kontributin e saj, por nevojitet edhe ndihma e mbështetja
e institucioneve Shtetërore për të ndihmuar njerëzit të kapërcejnë vështirësitë e
shumta e të rënda që përjetojnë sot. Më hollësisht mbi fotografinë e situatës aktuale
shoqërore në Kosovë dhe veprimtarinë e Karitasit në vend, të dëgjojmë don Viktor Sopin
në mikrofonin e Radio Vatikanit......