Кот-д'Івуар: прэзідэнцкая інаўгурацыя. Краіна ў хаосе
З вялікай помпай 21
мая ў Кот д'Івуары прайшла інаўгурацыя новага Прэзідэнта Аласана Уатары. Аднак, касцёльныя
крыніцы паведамляюць, што краіна па-ранейшаму знаходзіцца ў калапсе.
На інаўгурацыі
ў Ямусукра сабралася больш за 20 кіраўнікоў афрыканскіх дзяржаў, прэзідэнт Францыі
і Генеральны сакратар ААН. Падрыхтоўка да прысягі стала першай інвестыцыяй новага
Прэзідэнта. У палітычнай сталіцы краіны на кожным кроку бачныя выявы новага кіраўніка
дзяржавы.
Хоць з моманту заканчэння грамадзянскай вайны прайшоў месяц, краіна
застаецца ў стане хаосу. Бежанцы не могуць вярнуцца ў свае дамы. Не адноўлена бяспека,
эканомікі не пачала працаваць, таму людзі не маюць перспектыў для нармальнага жыцця.
Па словах біскупа Гаспарда Бэбі Гнэбы з дыяцэзіі Ман, толькі у каталіцкай місіі ў
Дуэкуэ застаецца яшчэ 30 тыс. бежанцаў. Іх становішча крытычнае. Павялічваецца колькасць
выпадкаў захворвання халерай. Мы жывем толькі дзякуючы дапамозе ААН і "Caritas" -
сказаў біскуп Гнэба.