Պենետիկտոս ԺԶ Սրբազան Քահանայապետը Կ՝անուանէ Հայր Միքայէլ Ծ Վրդ Մուրատեանը, Առաջնորդ՝ Հիւսիսային Ամերիկայի Հայ Կաթողիկէ Թեմին։

Նորին Սրբութիւնը ընդունելով Միացեալ Նահանգներու Հայ Կաթողիկէ ՜՜ Նարեկի Տիրամայր ՝՝ թեմի առաջնորդ՝ Արհիապատիւ Մանուէլ Եպ. Պաթագեանի հրաժարականը, տարիքի բերումով, անոր տեղ, նոր առաջնորդ անուանեց Զմմառու Միաբան՝ Հայր Միքայէլ Ծ. վրդ. Մուրատեանը ։ Հայր Միքայէլ Մուրատեանը մինչեւ օրս կը վարէր Զմմառեան Միաբանութեան ընդհանուր մեծաւորի պաշտօնը։ Ռատիովատիկանի հայերէն հաղորդումներու անձնակազմը կը շնորհաւորէ նորնտրեալ եպիսկոպոսը մաղթելով անոր օրհնաբեր առաքելութիւն մը։

Հ. Միքայէլ Մուրատեան
- Ծնած է Պէյրութ 1961-ի Յուլիս ամսուն 5 ին:
- Ծնողքը՝ Սարգիս եւ Թերեզ Մուրատեաններ:
- Նախնական ուսումը ստացած է Զահլէի Անարատ Յղութեան Հայ Քոյրերու
դպրոցը:
- 1973-ին աշակերտած է Զմմառու Արծիւեան Միաբանութեան
Նորընծայարանին, ուր ստացած է միջնակարգի ու երկրորդական կրթութիւնը:
- 1981-1986 Մեծաւորներուն կողմէ ուղարկուած է Հռոմ՝ Լեւոնեան Վարժարան
եւ Տոմինիկեան Հայրերու Քահանայապետական Համալսարանէն ստացած է
փիլիսոփայութեան եւ աստուածաբանութեան վկայականները:
- 1986-1987 Ֆրանսա՝ Լիոն Քաղաքի “Institut Catholique” կաճառին մէջ հետեւած
է երիտասարդ սերունդներու հովութեամբ զբաղելու մասնագիտական
դասընթացքներու:
- 24 Հոկտեմբեր 1987 Ֆրանսա-Փարիզ՝ որպէս անդամ Զմմառու Արծիւեան
Միաբանութեան, կուսակրօն Քահանայ ձեռնադրուած է, ձեռամբ Արհի.
Գրիգոր Եպսկ. Ղապրոյեանի:
- Հ. Միքայէլ Մուրատեան ստանձնած է հետեւեալ պաշտօնները
-1987-1988 Լիբանան՝ Փոխ Տեսուչ Զմմառու Դպրեվանքին:
- 1988-1989 Սուրիա՝ Փոխ Տեսուչ Հալէպի Դպրեվանքին:
- 1989-1990 Սուրիա՝ Ժողովրդապետ Դամասկոսի Թագուհի Տիեզերաց
եկեղեցւոյ:
- 1991 Լիբանան՝ Փոխ Ժողովրդապետ Զալքայի Ս. Խաչ եկեղեցւոյ:
- 1992-2001 Հայաստան, Ժողովրդապետ՝ զանազան Հայ Կաթողիկէ Գիւղերու, Շիրակի եւ
Լոռիի մարզերուն մէջ:
- 1995-2001 Ընդհանուր Քարտուղար եւ Գործադիր Տնօրէն՝ Հայաստանի «Գարիթաս» բարեսիրական կազմակերպութեան:
- 2000-ի Հոկտեմբեր ամսուն, Հայաստանի Հանրապետութեան Կրթութեան եւ Գիտութեան Նախարարութեան Մ. Նալպանտեանի անուան պետական
մանկավարժական համալսարանէն կը ստանայ «Պատուաւոր
Փրոֆեսորի» կոչումը:
- 2001-2004 Լիբանան՝ Ժողովրդապետ Աշրաֆիէի Աւետման Եկեղեցւոյ, - Հոգեւոր Հայր Զմմառի Դպրեվանքի ժառանգաւորներուն, - Հոգեւոր Վարիչ Պատրիարքական Թեմի Երիտասարդաց յանձնախումբին:
- Հայ Կաթողիկէ Պատրիարքարանի «Աւետիք» պաշտօնաթերթի խմբագրական կազմի անդամ:
- Յունուար 2005 – Օգոստոս 2007 Իտալիա՝
- Մեծաւոր Քահանայապետական Լեւոնեան Վարժարանի
- Վատիկան՝ Հայ Կաթողիկէ Եկեղեցւոյ Պատրիարքական Գործակալ Սուրբ Աթոռին մօտ:
- Սեպտեմբեր 2007 – Մայիս 2011 Լիբանան՝ Պատրիարքական Ընդհանուր Փոխանորդ Զմմառու Արծիւեան Միաբանութեան եւ Մեծաւոր Զմմառու Մայրավանքին:
- 21 Մայիս 2011-ին Բենեդիկտոս ԺԶ Սրբազան Քահանայապետը անուանեց զինք
Առաջնորդ ՝ Հիւսիսային Ամերիկայի Հայ Կաթողիկէ Թեմին
շնորհելով անոր Եպիսկոպոսութեան աստիճանը: