Англія: урачыстасці згодна з касцёльным календаром
Каталіцкія біскупы
Англіі і Уэльса вырашаць на сваёй будучай сустрэчы ў лістападзе гэтага года пытанне
аб тым, ці варта адмовіцца ад рашэння, прынятага імі ж у 2006 г. і вярнуць святкаванне
Хросту Пана і Унебаўшэсця з нядзелі на традыцыйныя дні, характэрныя гэтым урачыстасцям
паводле касцёльнага календара.
Старшыня епіскапата Англіі і Уэльса арцыбіскуп
Вестмінстэрскі Вінцэнт Нікалс сказаў, што “біскупы пакінулі майскую сустрэчу гатовымі
выслухаць сваіх святароў і вернікаў адносна таго, што лепш: адзначаць гэтыя два дні
ў рытме календара або з перавагай іх больш лёгкага і больш поўнага літургічнага святкавання
ў нядзелю”.
На сваёй нядаўняў сустрэчы ў маі іерархі аднавілі дысцыпліну паста
па пятніцах, які раней быў імі адменены. Зараз на чарзе – вяртанне да традыцыйных
дзён святкавання Хросту і Унебаўшэсця. Раней гэтыя святы, якія прыпадаюць на буднія
дні, дзеля магчымасці адзначаць іх больш шырока былі перанесены на нядзелю. Аднак,
як лічаць біскупы, гэта практыка сябе не апраўдала: духавенства і вернікаў дадзенае
новаўвядзенне прывяло ў збянтэжанасць.