(20.05.2011 RV)Ndërsa në Irak flitet për ardhmëri, në Kirkuk rrëmbehet e vritet
një i ri i krishterë. Imzot Sako shpreh hidhërimin e thellë: “Gjest kriminal, në kundështim
me çdo parim njerëzor” e quan kryeipeshkvi i Kirkukut. Është fjala për vrasjen e Ashur
Jakob Isa, 29 vjeç, rrëmbyer pak ditë më parë në sa delte nga puna e vrarë menjëherë
pas rrëmbimit. U gjet me shenja të dukshme torturash në tërë trupin: “Njeriu, që beson
në Zotin dhe respekton jetën, nuk mund të kryejë kurrë akte të tilla”- pohoi imzot
Sako- sipas agjencisë AziaNjuz. Prelati irakian u bëri thirrje autorëve të krimit
të mendojnë për fëmijët e të vrarit, që mbetën pa baba; për gruan, pa burrë e jo
më pak, për faktin se atje ku mungon drejtësia njerëzore, nuk do të vonojë të duket
dora e drejtësisë hyjnore.