У каталіцкім кляштары
ў Бозэ ў паўночнай Італіі праходзяць працы Міжнароднай англіканска-каталіцкай камісія.
Удзельнікі форуму, які працягнецца да 27 мая, разважаюць над пытаннем разумення адзінства
ў двух традыцыях. Гэта ўжо трэцяя сустрэча камісіі.
Як падкрэсліў кс. прэлат
Марк Лангам з Папскай рады спрыяння хрысціянскаму адзінству, пытанне адзінства з’яўляецца
вынікам размоваў Святога Айца з Прымасам Анліканскай супольнасці арцыбіскупам Роўэнам
Уільямсам падчас сустрэчы ў Рыме ў 2009 г. Мова ідзе аб адказе на пытанне, чым з’яўляецца
Касцёл на паўсюдным і мясцовым узроўнях. Кс. Лангам адзначыў, што гэта дапамагае англіканам
паглядзець інакш на саміх сябе. Ён падкрэсліў, што сустрэча ў Бозэ дапаможа знайсці
прычыны існуючых розніц і агульныя прынцыпы, не закранаючы розніц у этычных праблемах.
З
іншага боку Элісан Барнэт-Коўэн, кіраўнік Бюро па справах адзінства, веры і ладу Англіканскай
супольнасці, сказала, што не бачыць прычын, каб не закрануць таксама пытанняў, якія
падзяляюць англікан і католікаў.
Дыялог у рамках Міжнароднай англіканска-каталіцкай
камісіі вядзецца з 1970 г. Распрацаваныя да гэтага часу дакументы паказваюць стан
дыялогу паміж абодвума Касцёламі, іх агульныя элементы і з’яўляюцца асновай для экуменічнага
дыялогу і дагматычных разважанняў.