17 мая ў Ватыкане
было апублікавана паведамленне аб беатыфікацыях і кананізацыях, якія адбудуцца да
канца гэтага года. Спіс пачынаецца беатыфікацыяй Яна Паўла ІІ, якая адбылася на Плошчы
св. Пятра 1 мая. Яе здзейсніў наступнік благаслаўлёнага Пантыфіка папа Бэнэдыкт ХVI.
Кандыдатамі
да беатыфікацыі і кананізацыі з’яўляюцца тры нямецкія святары, якія загінулі падчас
Другой сусветнай вайны. Сем Слугаў Божых паходзяць з Італіі. З Партугаліі будзе беатыфікавана
сястра Марыя К’яра ад Дзіцятка Езуса, заснавальніца Кангрэгацыі шпітальных францішканак
Беззаганнага Зачацця. Першы біскуп іспанскай дыяцэзіі Пуэбла дэ Лос Анджэлес Джавані
дэ Палафокс Мендоза будзе беатыфікаваны 5 чэрвеня 2011 г., а 8 кастрычніка адбудзецца
беатыфікацыя яго зямлячкі Анны Марыі Янэр Англарыл, заснавальніцы Інстытута сясцёр
Святой Сям’і з Ургель. Румынскі мучанік Ян Шэфлер, які загінуў у 1952 г., будзе беатыфікаваны
3 ліпеня. У Бразіліі пройдзе беатыфікацыя сястры Дульчэ Лопэс Понтэс, а 5 мучаніц
з Сараева, якія загінулі ў 1941 г., будуць беатыфікаваны 24 верасня.
23 кастрычніка
папа Бэнэдыкт ХVI у Рыме здзейсніць кананізацыю трох благаслаўлёных: Гвідо Марыя Конфорці,
арцыбіскупа Пармы, кс. Луіджы Гуанэлла і сястры Баніфацыі Радрыгес дэ Кастро.