Кс. Юзэф Кубіцкі,
дырэктар бюро Групы дапамогі Касцёлу ва Усходняй Еўропе пры Сакратарыяце польскай
біскупскай канферэнцыі загінуў 16 мая ў аўтакатастрофе недалёка ад Варшавы. Яму было
59 гадоў. Нарадзіўся 30 мая 1951 г., 9 мая 1977 г. атрымаў святарскае пасвячэнне,
быў прэфектам і віцэрэктарам семінарыі ксяндзоў хрыстусоўцаў у Познані.
Група
на чале з кс. Кубіцкім на працягу многіх гадоў у Другую нядзелю Адвэнту вядзе штогадовы
агульнанацыянальны збор сродкаў для Касцёла ва Усходняй Еўропе. У мінулым годзе было
сабрана 2 млн. 170 тысяч злотых. Кс. Юзэф Кубіцкі кіраваў бюро з 2000 г. Ён арганізоўваў
збор ахвяраванняў і перадаваў сродкі на рамонт і будаўніцтва касцёлаў, капліц, дзіцячых
садоў. Прыкладаў намаганні, каб на евангелізацыйную працу ва Усходнюю Еўропу выяжджалі
добра падрыхтаваныя святары, законніцы і свецкія валанцёры з Польшчы.
"Нязведанымі
застаюцца для нас планы Божыя, да гэтага часу я не магу паверыць у навіну, якую атрымаў,
што наш вялікі сябар і дырэктар бюро Групы дапамогі Касцёлу ва Усходняй Еўропе адышоў
да Пана", - сказаў Біскуп Віцебскі Уладзіслаў Блін. - "Смерць кс. Кубіцкага мы прымаем
з болем, молімся за яго, - адзначыў іерарх. Верым, што ён у Пана за тое, што зрабіў
для Касцёла і бліжніх. Ён быў святым, цудоўным святаром, братам, які заўсёды хацеў
быць з намі. Ён быў чалавекам поўным энергіі і дынамізму.
Біскуп Блін нагадаў,
што ў мінулым годзе за выдатныя заслугі кс. Кубіцкі па ініцыятыве Віцебскай дыяцэзіі
атрымаў папскую ўзнагароду “Pro Ecclesia et Pontyfice”.