Elisabeta II fillon vizitën e saj historike në Irlandë
(17.05.2011 RV)Mbretëresha Elisabeta II mbërriti sot në Irlandë për një vizitë
historike, e para e një sovrani britanik që nga viti 1922, kur vendi shpalli pavarësinë.
Mbretëresha do të qëndrojë aty katër ditë. Masat e sigurisë janë të jashtëzakonshme,
sidomos pasi xhenierët irlandezë gjetën një bombë artizanale pranë Dublinit. Eksplozivi
ndodhej në bagazhin e një autobuzi. Edhe dje, një grup disidentësh republikanë të
Sin Feinit kërcënuan se do të vendosnin një bombë në qendër të Londrës. Fatmirësisht,
lajmi nuk ishte i vërtetë.