Հայաստանի Մօտ Լեհաստանի Դեսպանը Ռաչինսքի կ՝ըսէ ՝՝ նպատակայարմար չէ Ղարաբաղի հարցին
լուծումը փնտռել ԵԱՀԿ-ի Մինսքի խմբակէն դուրս այլ կառոյցներու մէջ՝՝ .
Անդրադառնալով Լեռնային Ղարաբաղի տագնապի լուծման հարցին, Հայաստանի մէջ Լեհաստանի դեսպան
Զտիսլավ Ռաչինսքի լրագրողներուն հետ հանդիպման ընթացքին ընդգծեց, որ ղարաբաղեան հարցի
լուծումը պէտք է հիմնուած ըլլայ փոխադարձ զիջումներու, միջազգային մասնակցութեան եւ բարի
կամքի դրսեւորման վրայ: Դեսպանը նշեց, որ ժամանակին հարցի լուծումը մօտ եղած է, սակայն
իրականութիւն չէ դարձած, երկու պետութիւններուն ներքին խնդիրներուն եւ տրամադրութիւններուն
պատճառով: Ան նաեւ ընդգծեց, որ նպատակայարմար չէ հարցին լուծումը փնտռել ԵԱՀԿ-ի Մինսքի
խմբակէն դուրս այլ կառոյցներու մէջ, քանի որ ատիկա կը խանգարէ բանակցային հոլովոյթը: