Kërkohet mandatarrest ndërkombëtar për Gedafin. Akuzohet për krime kundër njerëzimit.
(16.05.2011 RV)Vazhdojnë përpjekjet për zgjidhjen e krizës libiane me dialog,
pavarësisht se në terren luftimet janë të ashpra. Kryengritësit dhe Grupi i Kontaktit
për Libinë refuzuan propozimin për armëpushim të qeverisë së Tripolit, por Rusia dëshiron
fundin e konfliktit. Ndërkaq, Gjykata Penale Ndërkombëtare kërkon të vihet në qarkullim
një mandat arresti për kolonel Gedafin, të birin e tij, Saif al-Islam dhe kreun e
sigurimit të Libisë. Të tre akuzohen për krime kundër njerëzimit, pasi kanë qëlluar
pa dallim kundër civilëve, në përpjekjet për të mundur kryengritësit.