E diela e Bariut të Mirë në Kishën e Shën Eufemisë, në Pukë
(16.05.2011 RV)Dje Kisha katolike e kremtonte të Dielën IV të Pashkëve si e
Diela e Bariut të Mirë e si Dita botërore e lutjes për thirrjet meshtarake. Në këtë
atmosferë të gëzueshme u tubuan rreth elterit besimtarët e famullisë së Shën Eufemisë,
në Breg të Pukës, për të ndjekur Meshën, kryesuar nga imzot Lucian Avgustini e për
të kremtuar edhe një festë krejt të veçantë: bekimin e këmbanares e të këmbanave,
që tingëlluan për herë të parë gëzueshëm, duke i kujtuar besimtarëve rolin e tyre,
që poeti i madh gjerman, Friedrich Schiller, e përshkruan me tri shprehje lapidare,
vënë simbolikisht në gojën e këmbanës: “thërres të gjallët, qaj të vdekurit, thyej
rrufetë”. Por këtë tringëllimë gazmore na e sjell nga Puka e largët, në programin
e sotëm, shërbimi i Violeta Marashit